Fileimaun

Gray text translated to Gothic by Basti Weidemyr.
Black text from Codex Ambrosianus A, based on transcription by Project Wulfila and Streitberg (1919).
Commercial use limited. Punctuation and extratextual conventions differ from the manuscript.

Latin Wulfilan

 
1
 
Pawlus bandja xristaus Ïesuis jah Teimauþaius broþar liubin *Fileimauni *gawaurstin unsaramma jah *Apfiai þizai liubon jah Arkippau *gadrauhta miþ unsis jah ingardjon þeinai aikklesjon ·
31 Ansts izwis jah gawairþi fram guda Attin unsaramma jah fraujin Ïesu xristau :
4 Awiliudo guda meinamma sinteino gamunandin þus in bidom meinaim gahausjands þeina friatwa jah galaubein þos habaiþ wiþra fraujin Ïesu xristaus jah allaim þaim weihaim ei gamainduþ galaubais þeina waurstweiga wairþai in ufkunþja allis þiuþis þizei ïn uns ïn xristau ·
7 Faheid auk mikila habaidedum jah gaþlaiht ïn friaþwos þeinaizos þei hairþra þize weihaize *anaƕeilaiþa wesun þairh þuk broþar :
8 Ïnuh þis habands mikila balþein in xristau anabiudan þus þatei gadof ïst þairh friatwa haldis · Bidja swaleiks Pawlus framaldrs ïþ nu jah bandja xristaus Ïesuis · Bidja þus faur barn mein þata ussatida ïn bandjom *Aunisimu þana saei þus was *unbruks ïþ nu þus jah mis bruks þanuh ïnsandida ·
12 Ïþ þu ïna þat ïst meinos brusts andnim þanei ïk wilda at mis gahaban ei faur þuk mis andbahtidedi ïn bandjom aiwaggeljons ·
14 Ïþ ïnu þein ragin ni waiht wilda taujan ei ni swaswe bi nauþai þiuþ þein sijai ak us lustum · Aufto auk duþe afgaf sik du ƕeilai ei aiweinana ïna andnimais ju ni swaswe skalk ak ufar skalk broþar liubana ussindo mis ïþ ƕan filu mais þus jah ïn leika jah ïn fraujin :
17 Jabai nu mik habais du gamana andnim þana swe mik · Ïþ jabai ƕa gaskoþ þus aiþþau skula ïst þata mis rahnei · Ïk Pawlus gamelida meinai handau · ïk usgiba · ei ni qiþau þus þatei jaþþuk silban mis skula ïs :
20 Jai broþar ïk þeina niutau ïn fraujin anaþrafstei meinos brusts ïn xristau · Gatrauands ufhauseinai þeinai gamelida þus witands þatei jah ufar þatei qiþa taujis bijandzuþþan manwei mis saliþwos wenja auk ei þairh bidos izwaros fragibaidau ïzwis :
23 Goleiþ þuk Aipafras sa miþfrahunþana mis ïn xristau Ïesu Markus *Aristarxus Demas Lukas gawaurstwans meinai ·
252 Ansts fraujins Ïesuis xristaus miþ ahmin ïzwaramma :
 
Allusions:
 
1.2 Corinthians 1:2.
2.Galatians 6:18.

Leave a Reply

Your email address will not be published. Required fields are marked *