Teitus

Codex Ambrosianus B, supplemented with A, based on transcription by Project Wulfila and Streitberg (1919).
Commercial use limited. Punctuation and extratextual conventions differ from the manuscript.

Latin Wulfilan

1 Pawlus skalks gudis ïþ apaustaulus Ïesuis xristaus bi galaubeinai gawalidaize gudis jah ufkunþja sunjos sei bi gagudein ïst du wenai libainais aiweinons þoei gahaihait unliugands guþa faur mela aiweina · Ïþ ataugida mela swesamma waurd sein ïn mereinai sei gatrauaida ïst mis bi anabusnai nasjandis unsaris gudis · Teitau walisin barna bi gamainjai galaubeinai ·
4 Ansts jah gawairþi fram guda attin jah xristau Ïesu nasjand unsaramma :
5 Ïn þizozei waihtais bilaiþ þus ïn Kretai ïn þize ei wanata atgaraihtjais jah gasatjais and baurgs praizbytairein swaswe ïk þus garaidida jabai ƕas ïst
· Ungafairinonds
· Ainaizos qenais aba
· Barna habands galaubeina ni ïn usqissai usstiureins aiþþau ungaƕairba ·
7 Skaluþþan aipiskaupus ungafairinoþs wisan swe gudis fauragaggja
· Ni hauhhairts
· Ni bihaitja
· Ni þwairhs
· Ni weinnas
· Ni slahals
· Ni aglaitgastalds · ?k
· Gastigods
· Bleiþs
· Andaþahts
· Garaihts
· Weihs
· Gaþaurbs · Andanemeigs bi laiseinai waurdis triggwis ei mahteigs sijai jah gaþlaihan ïn laiseinai hailai jah þans andstandandans gasakan ·
10 Sind auk managai ungaƕairbai lausawaurdai lutondans þishun þai us bimaita þanzei skal gasakan þaiei gardins allans uswaltjand laisjandans þatei ni skuld ïst ïn faihugairneins ·
12 Qaþ auk sums ïze swes ïze praufetus Kretes sinteino liugnjans ubila unbiarja wambos latos · So ïst weitwodei sunjeina ïn þizozei fairinos gasak ïns ƕassaba ei hailai sijaina ïn galaubeinai ni atsaiƕandans judaiwiskaize spilli jah anabusne manne afwandjandane sis sunja ·
15 Aþþan all hrain hrainjaim ïþ bisaulidaim jah ungalaubjandam ni waiht hrain ak bisaulida sind ïze jah aha jah miþyissei · Guþ andhaitand kunnan ïþ waurstwam ïnwidand andasetjai · Wisandans jah ungalaubjandans jah du allamma waurstwe godaize uskusanai :
?  
1 Ïþ þu rodei þatei gadof ïst þizai hailon laiseinai ·
 
 
 
 
 
 
?  

Leave a Reply

Your email address will not be published. Required fields are marked *